Акафист Пресвятой Богородице перед Ея иконой, именуемой Достойно есть или Милующая. - АКАФИСТЫ - Каталог статей - ДОБРЫЙ САЙТ


                                                                           

  Photo Flipbook Slideshow Maker  


ДОБРЫЙ  САЙТ 

МЕНЮ САЙТА
 
Наш опрос
Оцените мой сайт
Всего ответов: 758
 
ФОТОГРАФИИ
 
Статистика

Онлайн всего: 1
Гостей: 1
Пользователей: 0
 
Главная » Статьи » АКАФИСТЫ

Акафист Пресвятой Богородице перед Ея иконой, именуемой Достойно есть или Милующая.
ДОСТОЙНО ЕСТЬ


Кондак 1

Избранней Богом от человеческаго рода послужити воплощению предвечнаго Слова, преблагословенней Деве Богородице, достойно воспеваемой от Ангел на Небеси, мы грешнии на земли дерзаем приносити хвалебное пение; еже милостиво от нас приемши, всемилующая Царице Богородице, от всяких бед нас спаси и вечных мук свободи, да зовем Ти: Радуйся, христианом Помощнице и милосердая о грешных Предстательнице.

Икос 1

Архангел Гавриил с небесе послан бысть от Тебе, Богородице, к смиренному послушнику горы Афонския, в пустынней келии воспевавшему Ти хвалебныя песни пред святою Твоею иконою, да научит его пети песнь небесную, еюже славословят Тя Ангели в Сионе горнем. Темже и мы дольнии, воспоминая таковое Твое о людех благопромышление, со благодарением вопием Ти сице: Радуйся, достойно восхваляемая от Архангел и Ангел; Радуйся, ублажаемая от всех небесных сил. Радуйся, Присноблаженная и Пренепорочная; Радуйся, Матерь Бога нашего. Радуйся, Честнейшая Херувим; Радуйся, Славнейшая без сравнения Серафим. Радуйся, без истления Бога Слова рождшая; Радуйся, воистину сущая Богородице. Радуйся, величаемая на Небеси и на земли; Радуйся, воспеваемая горними и дольними. Радуйся, едина благословенная в женах; Радуйся, израстившая нам плод живота. Радуйся, христианом Помощнице и милосердая о грешных Предстательнице.

Кондак 2

Видев послушник пустынный днвнаго пришельца, в келию его пришедшаго и песнь пресладкую Тебе, Владычице, воспевшаго, не уразуме в нем Ангела быти, но зело усладися пением его небесным и проси, да напишет ему словеса поемыя песни: егда же узре, яко под перстом его каменная доска умягчися, и пишемая словеса на ней углубишася яко на песце, позна в сем чудесное действо и возопи к рождшемуся от Тебе Богу Слову: Аллилуиа.

Икос 2

Разумом богоозаренным новую песнь открывая, рече Архангел и ослушнику, яко тако воспевают Тя, Богородице, Ангелов лицы в обителех горних, и повеле ему, да возвестит человеком словеса песни небесныя и научит их ангелоподобно пети Тебе: Радуйся, благодатная Марие; Радуйся, яко Господь с Тобою. Радуйся, благословенная в женах; Радуйся, неискусобрачная Родительнице Бога Слова. Радуйся, непорочное селение Духа Святаго; Радуйся, зачатие несказанное явившая. Радуйся, рождество нетленное показавшая; Радуйся, Матерью и Девою пребывшая. Радуйся, во обою непорочно и свято себе сохраньшая; Радуйся, Ангелов чистотою Твоею превозшедшая. Радуйся, горних умов не престающее удивление; Радуйся, человеческаго рода возвышение. Радуйся, христианом Помощнице и милосердая о грешных Предстательнице.

Кондак 3

Силою Божиею Гавриил Архангел твердый камень в мягкий воск претвори и на нем перстом своим написа словеса песни хвалебныя Тебе, Богородице, да вси познают великое чудо и несомненно уверуют, яко тако воистину воспевают Тя горе силы небесные, имже подражающе, и мы поем величия Твоя, Дево, и в радости духовней вопием прославльшему Тя Богу: Аллилуиа.

Икос 3

Имея простоту душевную и непорочное сердце, послушник смиренный сподобися ангельския беседы и лицезрения чиноначальника горних сил, мы же, лукавством и злобою потемненнии, со трепетом взирающе на святую икону Твою, Владычице, молим Ти ся прилежно, обрати ны от злоб наших и научи нас во смирении и кротости духа глаголати Тебе: Радуйся, гору Афонскую освятившая Твоим благодатным присутствием; Радуйся, холмы и дебри ея исполнившая славою Твоих чудес. Радуйся, ангельскаго явления сподобльшая пустынножительство афонское; Радуйся, обители иноческия в нем умножившая во спасение душ человеческих. Радуйся, и всем в посте и молитве пребывающим обещавшая Твое заступление; Радуйся, от треволнения моря житейскаго спасающая кающихся. Радуйся, благодать Сына Твоего и Бога низводящая на места, Тебе посвящаемыя; Радуйся, рай мысленный показавшая Храмы Божии. Радуйся, пристанище небурное содевающая в онех ищущим спасения; Радуйся, всем потребным ко благочестию нас снабдевающая. Радуйся, жительствующим богоугодно Подательнице благ временных и вечных; Радуйся, Ходатаице нам Царствия Небеснаго. Радуйся, христианом Помощнице и милосердая о грешных Предстательнице.

Кондак 4

Буря недоумения смути старца инока, егда услыша песнь новую и чудну из уст своего ученика и узре доску каменну, яко воск, начертание приимшу: егда же уведа о посещении дивнаго посетителя, Гавриилом нарекшагося, уразуме, яко той сей есть, иже древле благовести Тебе, Дево, безсеменное зачатие Бога Слова. Темже величая величия Твоя, Царице горних и дольних, воспеваше радостно Ангелов и человеков Творцу: Аллилуиа.

Икос 4

Слышавше о посещении Архангелове иноцы горы Афонския, стекахуся видети доску, на нейже преестественно начертана быша письмена песни небесныя, и воспеваху Тя благоговейно пред святою иконою Твоею, Владычице, пред неюже воспе Тя Архангел. Приими убо и наша приносимыя Тебе молитвы с пением таковым: Радуйся, яко о Тебе радуется ангельский собор; Радуйся, яко о Тебе торжествует человеческий род. Радуйся, на руку Твоею носившая Носящаго всяческая; Радуйся, вместившая во чреве Твоем невместимаго всем миром. Радуйся, Создателю Твоему плоть заимодавшая; Радуйся, Краснейшаго паче всех сынов человеческих рождшая. Радуйся, млеком питавшая Питающаго всяческая; Радуйся, попечение имевшая о Сыне Твоем, Сущем Промыслителе всея твари. Радуйся, похвало девства; радуйся, матерей славо. Радуйся, в рождестве девство сохраньшая; Радуйся, рождество с девством сочетавшая. Радуйся, христианом Помощнице и милосердая о грешных Предстательнице.

Кондак 5

Боговидец Моисей иногда на каменных скрижалех Закон Божий, начертанный перстом Божиим, получи, иноцы же горы Афонския песнь небесную во славу Богоматере, на доске каменней начертанную, от Архангела прияша и, сим наученнии ангельское славословие Тебе приносити, воспеша тако благоволившему о них Богу: Аллилуиа.

Икос 5

Видевше начальницы горы Афонския чудо велие в явлении Архангелове и песни новей, доску с начертанными от Ангела письмены препроводиша к царю и патриарху Царяграда, во уверение истины преславнаго сего чудесе; тии же радостно прияша ю, яко залог благоволения Божия во всей Церкви православней, узакониша воспевати песнь ангельскую в похвалу Тебе, Богородице, и взываху Ти во умилении сице: Радуйся, преукрашенная лепотами всех добродетелей Дево; Радуйся, Невесто неневестная. Радуйся, возрастившая цвет неувядаемый, Христа; Радуйся, раю словесный, древо жизни нам прозябшая. Радуйся, сене небесная, от зноя страстей нас сохраняющая; Радуйся, покрове миру, ширший облака. Радуйся, древо благосеннолиственное, прохладу спасительную верным подающее; Радуйся, источниче воды живыя, от неяже пияй ктому не умирает. Радуйся, Судии праведнаго моление; Радуйся, грехов наших прощение. Радуйся, во славе небесней одесную Бога пребывающая; Радуйся, земнородных милосердием Твоим не оставляющая. Радуйся, христианом Помощнице и милосердая о грешных Предстательнице.

Кондак 6

Проповедует Святая Церковь величие чудес Твоих, Марие Богородице, и светло красуется, воспевая Ти песнь ангельскую, от небес на землю принесенную чиноначальником горних сил Гавриилом; с нимже помолися, Госпоже Пречистая, к Сыну Твоему и Богу, да незыблему во благочестии сохранит Церковь Свою и посрамит вся востания еретическая и раскольническая, нас же, чад Тя, сподобит неосужденно воспевати Ему: Аллилуиа.

Икос 6

Возсияла еси многими лучами чудес, о милостивая Богомати, чрез святую икону Твою, Владычице, и сими не точию гору Афонскую, но и множайшая места озарила еси, да научимся звати Тебе: Радуйся, радосте наша, услаждающая скорбныя сердца, к Тебе отверстыя; Радуйся, благая Заступнице, на помощь к нам ускоряющая. Радуйся, залог спасительный нам в иконе Твоей даровавшая; Радуйся, Афонскую гору и многия страны ею прославльшая. Радуйся, Надеждо наша известная; Радуйся, упование наше непостыдное. Радуйся, скорбей наших разрешение; Радуйся, печалей наших утоление. Радуйся, веры православныя утверждение; Радуйся, неверия и зловерия посрамление. Радуйся, любве Божественныя явление; Радуйся, чудес преславных совершение; Радуйся, христианом Помощнице и милосердая о грешных Предстательнице.

Кондак 7

Хотящим жати спасение милостивая Покровительница и Помощница являешися, Мати Божия, и присно ходатайствуеши за них к Сыну Твоему и Богу, аще бо кто и падает в некое согрешение, немощию плоти обложен, обаче Тобою возстание получает во спасение, яко всем хощеши спастися и в разум истины приити воспевающим Христу Богу: Аллилуиа.

Икос 7

Ново небо и нова земля уготованы от Сына Твоего и Бога любящим Его, Госпоже Всеблагая, к нимже стяжахом Тя Путеводительницу изрядну. Темже молим Тя, не попусти нас погибнути в дебрех греховных, но приведи нас стезею правою в страну света и радости вечныя, да Тебе вопием хвалебно: Радуйся, Сиона горняго первейшее украшение; Радуйся, обителей дольних присноготовое заступление. Радуйся, земле благая, клас спасительный миру израстившая; Радуйся, ниво неоранная, оплодотворенная Духом Святым. Радуйся, огнь Божества во чрево Твое приемшая; Радуйся, глад падшаго человечества хлебом жизни утолившая. Радуйся, Престоле Царя Славы; Радуйся, палато преукрашенная Вседержителя. Радуйся, храме одушевленный Триипостаснаго Бога; Радуйся, двере Господня, еюже Сын Божий пройде к нам. Радуйся, христианом Помощнице и милосердая о грешных Предстательнице.

Кондак 8

Странное явление Архангела, на горе Афонстей иногда бывшее, смотрение бысть божественное, имже прославися всепетое имя Твое, Марие Богородице, и вси вернии научишася ангелоподобно воспевати Тя, Херувимов Честнейшую и Серафимов Славнейшую Матерь Бога нашего, о Нейже радуется всякая тварь, и род человеческий благодарно взывает ко Господу: Аллилуиа.

Икос 8

Все упование наше на Тя возлагаем, Мати Божия, и в скорбех наших к святей иконе Твоей усердно притекаем, чающе от нея утешение благодатное получити. Помози убо нам, Владычице, с терпением и благодарением всякия скорби переносити и вместо ропота малодушнаго благоумиленно взывати Тебе: Радуйся, всех скорбящих Радосте; Радуйся, всех печальных Утешение. Радуйся, труждающихся и обремененных сладкий Покое; Радуйся, болезнующих и огорченных живительная Отрадо. Радуйся, в час скорбных недоумений мысль благую на сердце полагающая; Радуйся, во дни уныния надеждою вечных благ воодушевляющая. Радуйся, искушаемым руку помощи простирающая; Радуйся, гнев Божий от глав наших отводящая. Радуйся, мирное устроение обуреваемым напастьми подающая; Радуйся, во благих желания наша дивно исполняющая. Радуйся, терпеливых страдальцев дарами благодатными увенчавающая; Радуйся, всех благоподвизающихся блаженства райскаго сподобляющая. Радуйся, христианом Помощнице и милосердая о грешных Предстательнице.

Кондак 9

Вси Ангели небеснии немолчными похвалами Тя ублажают, Царице и Владычице всея твари, мы же земнии и перстнии кую похвалу достойную принесем Ти, Все петая; обаче надеющеся на милосердие Твое неисчетное, любовию к Тебе понуждаеми, поем чудеса Твоя, проповедуем благодеяния Твоя, славословим имя Твое и, усердно припадая ко святей иконе Твоей, рабски вопием изображенному на ней вкупе с Тобою Богомладенцу Христу: Аллилуиа.

Икос 9

Витий риторския глаголы недовольны к пению чудес Твоих, Богородице, обаче благая сущи, веру нашу вместо риторскаго благословесия милостиво приими, веси бо и любовь нашу, еюже сердца наша к Тебе исполнены. Темже благоутробно услыши нехитростныя наша песни, имиже дерзаем благохвалити Тя сице: Радуйся, сопрестольное Отцу Слово в ложеснах Твоих вместившая; Радуйся, Свет незаходимый росшая. Радуйся, жизнь вечную миру даровавшая рождеством Твоим; Радуйся, Превечнаго, яко Младенца, на руку Твоею носившая. Радуйся, граде одушевленный Всецаря; Радуйся, скиние освященная живаго Бога. Радуйся, нижняя сочетавшая с вышними; Радуйся, Миротворице, Божественнаго мира преисполненная. Радуйся, добрых виновная; радуйся, злых пременение. Радуйся, оружие на враги всекрепкое; Радуйся, щите верных несокрушимый. Радуйся, Христианом Помощнице и милосердая о грешных Предстательнице.

Кондак 10

Спасительное прибежище от сует мира прелестнаго явися жребий Твой земный, святая воистину гора Афонская, Богородице Дево, ознаменованная многими Твоими чудесы. Но и на всяком месте с любовию призывающих Тя услыши и заступи. Сына же Твоего умоляти не престай, Всеблагая, да не отступна пребывает благодать Его от мест, идеже в собрании верных поется Ему хвалебная песнь: Аллилуиа.

Икос 10

Стена еси девственником, Преблагословенная Дево, и столп крепок от лица вражия всем подвижником благочестия: Тебе бо дадеся велия сила темныя адския силы побеждати и от искушений их душепагубных человеки избавляти, наипаче же тех, иже целомудренно и свято на земли пребывают. Сего ради девства и целомудрия рачители согласно Тебе зовут: Радуйся, чистотою сияющая паче солнца; Радуйся, девства начало и освящение. Радуйся, крине, облагоухавший падшее человечество; Радуйся, во смирении Твоем осененная благоволением Всевышняго. Радуйся, верная рабо Господня; Радуйся, яко Тя блажат вси роди. Радуйся, яко сотвори Ти величие сильный; Радуйся, яко соцарствуеши с Сыном Твоим во славе вечней. Радуйся, Ходатаице Божия к людем благоволения; Радуйся, грешных к Богу дерзновение окриляющая. Радуйся, неистощимый источниче милостей и щедрот; Радуйся, преисполненная сострадания к страждущим. Радуйся, христианом Помощнице и милосердая о грешных Предстательнице.

Кондак 11

Пение наше, аще было бы и тьмочисленное, не довлело бы к достойному прославлению милостей Твоих, Преблагословенная Мати Божия, яже непрестанно изливаеши роду нашему; обаче да не неблагодарни явимся пред Тобою, по силе нашей похвальная восписуем Ти с верою и любовию и, воспоминая неисчетная чудотворения Твоя, вопием верховному Творцу чудес Богу: Аллилуиа.

Икос 11

Светоподательными лучами чудес икона Твоя, о Всемилостивая Владычице, на святей горе Афонстей и повсюду немерцаемо сияет и весь мир православный благодатно просвещает. Сего ради грядут к ней от лет древних на поклонение православных собори, умиленно воспевая пред нею благохваления Ти таковая: Радуйся, Царя Христа миру явившая; Радуйся, на иконе Твоей вкупе с Ним изображенная. Радуйся, клеще таинственная, Исаиею провиденная; Радуйся, купино неопалимая, боговидцем Моисеем предзримая. Радуйся, руно орошенное Гедеона; Радуйся, чаще приосененная, Аввакумом воспетая. Радуйся, двере затворенная, Иезекиилю показанная; Радуйся, горо несекомая, Даниилу явленная. Радуйся, многообразно от пророк предвозвещенная; Радуйся, пророческих речений сбытие явившая. Радуйся, христианом Помощнице и милосердая о грешных Предстательнице.

Кондак 12

Благодати причастная Твоя икона, Богородице Дево, яко сокровище драгоценное, Церкви Христовой от Тебе подадеся, в ней бо обещалася еси с нами быти до скончания века, рекши о первонаписанней Твоей иконе: с нею благодать Моя и сила. Веруем, Всепетая, яко не оскудеет глагол Твой сей, и яко во иконе Твоей святей на всяцем месте и зде с нами пребываеши, идеже верно поется Сыну Твоему и Богу хвалебная песнь: Аллилуиа.

Икос 12

Поюще чудеса Твоя, Богородице, припадаем усердно ко святей иконе Твоей, лобызаем ю с сердечною любовию, и яко присно сущей с нами, молим Ти ся: воззри на ны милосердием Твоим, Мати Божия, и якоже Тя зрим ныне на иконе изображенную, тако сподоби нас узрети Тя в час грозный смертный, от руки диаволи нас исхищающую и в Царствие Христово приводящую ны державною десницею Твоею, да Тебе благодарственно взываем: Радуйся, по Бозе первое наше прибежище и покрове; Радуйся, матернею любовию Твоею весь мир христианский объемлющая. Радуйся, во святом житии верныя утверждающая; Радуйся, благую христианскую кончину им подающая. Радуйся, от власти лютаго миродержца уповающия на Тя избавляющая; Радуйся, на мытарствах воздушных заступающая славящих Тя. Радуйся, врата райская нам отверзающая; Радуйся, Царствие Небесное любящим Тя ходатайствующая. Радуйся, во славе небесней приседящая Сыну Твоему и Богу; Радуйся, во общение Славы Его и чтущия Тя вводящая. Радуйся, телес наших здравие; Радуйся, душ наших спасение. Радуйся, христианом Помощнице и милосердая о грешных Предстательнице.

Кондак 13

О Всепетая Мати, рождшая святых Святейшее Слово, от Ангел воспеваемая на Небеси и от человек славимая на земли! Приими милостиво сие малое моление наше и даруй душевное спасение и телесное здравие всем, верно чтущим Тя и поющим Богу: Аллилуиа.

(Этот кондак читается трижды, затем икос 1 и кондак 1)


Справка:  



Чудотворный образ Божией Матери «Достойно есть» («Милующая») пребывает в удивительном, единственном в мире городе – в административном центре Святой Горы Афон, носящем имя Карея.

Как явствует из самого ее названия, история этой иконы связана с православным песнопением «Достойно есть». В X столетии в пещере неподалеку от Кареи подвизались некий старец-священноинок с послушником. Однажды под воскресенье, 11 июня 982 года, старец отправился в монастырь на всенощное бдение, послушник же остался дома. Поздно ночью в келью постучался неизвестный инок. Послушник этому не удивился – обителей на Афоне много, многие отшельники живут и в горах, порою спускаясь к своим собратьям. Поклонился послушник незнакомцу, дал испить воды с дороги, предложил отдохнуть в келье. Вместе с гостем они стали петь псалмы и молитвы. Однако во время пения слов «Честнейшую Херувим» таинственный гость неожиданно заметил, что в их местах эту песнь поют по-иному, добавляя перед «Честнейшую» слова «Достойно есть, яко воистину блажити Тя, Богородицу, Присноблаженную и Пренепорочную, и Матерь Бога нашего». И когда инок начал петь эти слова, то икона Божией Матери «Милующая», стоявшая в келье, внезапно воссияла таинственным светом, а послушник ощутил вдруг особую радость и зарыдал от умиления. Он попросил гостя записать дивные слова, и тот начертал их перстом на каменной плите, умягчившейся под его рукой, словно воск. После этого гость, назвавший себя смиренным Гавриилом, сделался невидимым, а икона еще некоторое время продолжала излучать чудесный свет. Потрясенный, послушник дождался старца, поведал ему о таинственном незнакомце и показал каменную плиту со словами молитвы. Духовно опытный старец сразу же понял, что приходил в келию архангел Гавриил, посланный на землю, дабы возвестить христианам дивную песнь во имя Божьей Матери – еще одну в чреде тех, что люди узнавали от ангелов («Слава в Вышних Богу», «Свят, Свят, Свят Господь Саваоф», Трисвятое «Святый Божий, Святый Крепкий, Святый Бессмертный, помилуй нас»).

С тех пор ангельская песнь «Достойно есть…» поется во время каждой Божественной литургии по всему миру - везде, где есть хотя бы один православный престол или живет хотя бы один православный христианин. Старец и послушник рассказали о случившемся проту. Тот благословил собрать Собор старцев, на котором было поведано о чудесном вестнике и его словах. Здесь же, на Соборе, вознесли молитву Богородице «Достойно есть…», камень же с начертанными на нем словами отправили в Константинополь патриарху как свидетельство чуда. А икона, перед которой впервые на земле была воспета сия молитва, с тех пор и стала называться «Достойно есть». Вскоре икону с почетом перенесли в соборный храм Кареи, где она стоит и доныне.
Неподалеку от Кареи, на восточном скате Святой Горы близ Эгейского моря, расположен русский Андреевский скит, а близ него – и тот узкий овражек со стремительным потоком воды, возле которого стояла та келия, куда снизошел небесный вестник.

Более тысячи лет минуло с тех пор. За это время икона всего четыре раза покидала Афон, чтобы утешить, поддержать, вразумить тех православных, у которых нет возможности прийти к ней самим. Первый раз это произошло только в 1963 году, когда праздновалось тысячелетие Святой Горы и по случаю этого юбилея чудотворная икона посетила греческую столицу Афины; второй - в 1985 году, когда по случаю 2300-летия града Солуни (ныне Салоники) ее привозили туда; в третий раз - осенью 1987 года, когда святыня вновь навестила столицу Эллады, была с почетом встречена на пристани портового предместья Афин Пирея торжественным крестным ходом с хоругвями, свечами, венками из живых цветов и в течение восемнадцать дней пребывала в храме Благовещенья, днем и ночью принимая чаявших к ней приложиться. Все это время у иконы неотступно находились иноки-святогорцы. Наконец, осенью 1994 года, дивная гостья посетила город Ларнака на острове Кипр. Промыслом Божиим именно тогда в порту Ларнаки стоял корабль с паломниками из России. Вечером, всего за час до отхода теплохода, паломники поспешили через весь город, чтобы приложиться к чудотворной, но увидели длинную, уходящую за горизонт очередь. Но толпа благочестивых греков вдруг расступилась, пропустив русских одноверцев к великой святыне.

Издавна изливала Пречистая Свою милость на русских христиан. Списки с чудотворного образа «Достойно есть» имелись в Петербурге, в Галерной гавани, где стоит выстроенный в честь Милующей Богоматери величественный псевдовизантийский храм. А 16 июня 1999 года на московское подворье Троице-Сергиевой Лавры со Святой Горы Афон был доставлен еще один список, сделанный теми же изографами – насельниками афонского Никольского скита («Белозерки»), что писали и образ Иверской иконы, подаренный святогорцами восстановленной Иверской часовне в Москве.

По иконографии образ Божией Матери представляет собою поясное изображение Пречистой, на правой Ее руке восседает прильнувший к Ней Младенец со свитком в руке. Празднование этой чудотворной совершается 11 июня по христианскому летоисчислению – в тот самый день, когда посетил афонских иноков небесный гость.


Категория: АКАФИСТЫ | Добавил: jnp (26-01-11)
Просмотров: 878 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Поиск
Форма входа

ПСАЛТИРЬ ПОСЛУШАТЬ 20 КАФИЗМ
Copyright MyCorp © 2016
Locations of visitors to this page